WHANAUTANGA POTIKI A TE KUINI Page 1WHĀNAUTANGA PŌTIKI A TE KUINI

 

Tāria tātou ō titiro ki ngā tini kōrero o te ao nei, kua tuhia tēnei, arā, te koha a te Kuini ki tōna tāne, ki te iwi katoa hoki.  He tamāhine hou nāna, nō te 14 o Apereria i whānau mai ai ki te ao.  Waiho atu e te rongo e tae mai nei, e ora ana te whaea me te pōtiki.  Ko te tuaiwa tēnei o ngā tamariki a Kuini Wikitōria rāua ko Pirinihi Arapeta; ko ngā ingoa ēnei me ngā tau o ā rāua tamariki.  Ko te Pirinihihi te mātāmua, he kōtiro, 17 ōna tau; muri mai ko te Pirinihi o Weira, he tāne, 16 ōna tau; ko Pirinihihi Arihi, he kōtiro, 14 ōna tau; ko Pirinihi Awherere,  he tāne, 15 ōna tau; ko Pirinihihi Herina, he kōtiro, 11 ōna tau; ko Pirinihihi Ruiha, he kōtiro, 9 ōna tau; ko Pirinihi Āta, he tāne, 7 ōna tau; ko Pirinihi Riopora, he tāne, 4 ōna tau; huihuia katoatia, tokowhā ngā tama tāne, toko rima ngā kōtiro.