Kua kitea e te rōpū o Trees That Count tētahi tāera ahurei hei whakatō rākau māori i tēnei nohonga rāhui mā tētahi kēmu kāri hou, e whanake ai te reo Māori me ngā mōhiotanga whāomoomo o Aotearoa.

“Kāore i ārikarika ngā mātua e rapu kēmu mātauranga ana i tēnei nohonga rāhui. Me te aha, he wā pai tēnei kia noho rangapū mātou ko Te Taura Whiri i te Reo Māori ki te whakaputa i tētahi whakaputanga reo Māori o tā mātou kēmu hira, o “Taukapu Rākau”, tā te Tiamata o Trees That Count, a Joris de Bres.

E whakanui ana a Trees that Count, he mākete rākau māori e taunakitia ana e te whakahaere aroha taiao, e Project Crimson Trust, i Te Wiki Tiaki Ao Tūroa me Te Wiki o Te Reo Māori i tēnei Hepetema me te whakaputanga hou o tana kēmu tino hira.

“Ko ngā mahi katoa a Trees That Count he aronui ki te whakatō rākau māori kia nui, kia matomato, me te aha, mō ia putu kāri ka hokona, ka whakatōngia e mātou tētahi rākau māori.”

I runga i te tautoko ohaoha a Te Taura Whiri i te Reo Māori, e 750 ngā putu kāri kore utu ka tukuna ki ngā kura o te motu. Ka taea e ngā kaiako a rātou putu kāri te tono (kotahi ki ia kura) ki te pae tukutuku o Trees That Count, i te wiki tonu o te reo Māori.

“He tino hira te mātātahi mō te whakarauora i te reo Māori, ā, e manawarū ana mātou ki te taunaki i tēnei kaupapa e whakakotahi ana i te reo Māori, me te manaaki i te taiao me ā tātou tamariki,” tā Ngahiwi Apanui, te Tumu Whakarae o Te Taura Whiri i te Reo Māori.

“Mehemea rānei kei te noho rāhui tonu tātou, kāore rānei, e wawata ana mātou ka hono mai koutou ā te poupoutanga o te rā, o te Tūrei 14 o Hepetema, 2021, ki te whakanui i tō tātou whakakotahitanga ā-motu me tō tātou reo ā-motu, te reo Māori.”

Kei ia putu kāri ngā whakaahua me ngā kōrero mō ētahi o ngā rākau māori rongonui rawa o Aotearoa.

“He huarahi pai tēnei ki te ako i ngā rākau māori, hei whakangahau, hei tuku hoki ki te taiao mā te whakatō rākau – tētahi o ngā tino huarahi whaipānga taketake,” tā Joris.

Ko ētahi o ngā rākau matua ko te pōhutukawa, ko te kauri, me ngā rākau tekau mā rua anō.

Kei te pae tukutuku o Shopify kē tētahi whakaputanga reo Pākehā o Trees That Count.

Mai i tōna tīmatatanga, i runga i ngā taunakitanga a ō mātou hoa rangatōpū, me te tini o ngā tāngata i Aotearoa, kua āhei tā Trees That Count whakatō i ngā rākau māori kia nui atu i te 850,000.

E wātea ana te tono moata i te Taukapu Rākau (Tree Snap) ināia tonu nei.

 

Hononga whaipānga:

- Trees That Count
- Shopify