-
He kupu mō mātou
About us
He kupu mō mātou
About us
-
Ngā mahi whakarauora
History & revitalisation
Ngā mahi whakarauora
History & revitalisation
-
Ngā mahi whakamāori
Translations
Ngā mahi whakamāori
Translations
-
Ngā kaupapa nui o te wā
News & events
Ngā kaupapa nui o te wā
News & events
-
Te whakamahere reo
Language planning
Te whakamahere reo
Language planning
-
Ngā rangahau me ngā pūrongo
Research & reports
Ngā rangahau me ngā pūrongo
Research & reports
Ko te aha ko te pēhea hoki o te reo i tōu wāhi mahi
He wāhi tō tātou katoa kia taunoa ai te reo Māori hei reo mō ia rā. He ngāwari noa iho tēnei pērā i te whakawhiti i te "Hello" ki te "Kia ora", te noho pūmau ki ngā tohu reo rua me ngā taitara mahi, he matatini rānei pērā i te hanga kaupapa here e kitea ai e Aotearoa whānui te uara o te reo Māori. Whakamahia tā mātou aromatawai kia kite e tautoko pēhea ana tōu rōpū i te reo Māori me te whakaaro me pehea e taea ai e tō rōpū te tautoko i te haerenga reo Māori o Aotearoa.
Anei ētahi tauaromahi mō te whakataunoa i te reo Maori hei reo mō ia rā puta noa i roto i te Rāngai Tūmatanui o Aotearoa
Kei te panoni tonu i ngā tohu huarahi (tae atu ki ngā ingoa o nga wāhi) ki te whakatika i ngā ingoa reo Maori. Kua tukuna he kohinga e 94 ngā tohu waka reo rua kia whiriwhiringia e te marea. Hei wāhanga tēnei o te kaupapa tohu waka reo rua ko He Tohu Huarahi, e ārahina ana e Te Mātāwai me Waka Kotahi e nui ake ai te tāia o te reo Māori i ngā tohu waka huri noa i Aotearoa.
I whakahaeretia Te Taunaki e Te Kawa Mataaho, te Tiro Whānui o te Ratonga Tūmatanui, i te tau 2020/21. I pātai te tiro whānui i ngā kaimahi kāwanatanga he aha ngā reo ka taea e rātou te kōrero mō te maha o ngā mea o ia rā, ā, i whakaurutia te reo Māori hei kōwhiringa. I pātai anō te tiro whānui mō te whakamahi, te ako, te uara me te rongo ki te reo Māori i ō rātou tari. Nā ngā hua o ēnei i taea ai e ngā tari te whakamahere mō ngā mahi o roto i whakaotingia ai i te tau 2021/22, pēnei i te whakaratonga o ngā akoranga reo Māori.
I tīmata Te Tāhuhu o te Mātauranga i te whakarewa o Te Ahu o te Reo Māori i te tau 2021/22 ki te whakapai ake i te matatautanga o te reo Māori, te akoranga me te whakamahinga i roto i te rāngaimahi mātauranga. Ko tā te whakangungu hei whakatupu i te māia ki te whakamahi me te whakauru i te reo Māori mō ngā tamariki me ngā rangatahi katoa i ngā whareako kōhungahunga me ngā kura
Te Reo Māori me te ratonga/kaupapa matua o tō pakihi
Mā te whakauru i te reo Māori ki roto i te ratonga o tō rōpū, e whakakaha ake ana i tōna kanorautanga me tōna kauawhitanga hoki, e hīkina ake anō ai te wheako o tāu kiritaki. He taonga whai mana te reo Māori ki te pāhekoheko atu ki a Aotearoa mā te whakatau i te wairua mahana, makuku anō hoki ki te hono ā-aurongo. Kei te panoni haere te ahurea me te hangapori o Aotearoa. Kei te piki ake te awhi, te whakamahi hoki a te hunga rangatahi o Aotearoa, i te reo Māori. Whakamaherehia mō te anamata mā te whakauru i te reo Māori ki roto i te kaupapa matua o tō rōpū.